موضة ارتفاع الأسعار

  ارتفاع الأسعار دا موضة وشياكة

                     علشان يقولك انت مش عايش في اي مكان 

                  انت هنا في بلدك اللي بتحبك و بتعرف تقدرك.

                

أما بقى البلاد التانية

                  فدي مش عارفة قيمة نفسها

                             تصور بيحجروا على الأسعار ومش بيدوها حريتها 

                                                 أكيد الناس دي ضد اتفاقية حقوق النسناس

 *************************************************************

تماشيا مع ارتفاع الأسعار 

                بدأ بعض الناس بان يسموا أبناءهم أسماء تليق بهم.

 

 ولأن زيادة الأسعار لوحدها غير كافية لأن الشعب يتحمل المسؤولية ويعرف أن 

                     مافيش 

                                 هجيب لك منين 

                                                لازم طبعا يكون مافيش ماهية

                                    شفتوا بقى الدلع

                                                       أنتم لسة شفتوا حاجة 

                                                                            عيشوااااااااااا

وكما قال هويس الشعر العربي هشام الجخ

 

كرامتنا متهــانة واللقمــة بإهَــانة .............. بتخلفيـنا ليــه لما إنتى كارهـانا؟؟

شــعور سخــيف إنك تحس بإن وطـنك شئ ضعيــف............. صوتك ضعيف ................... رأيك ضعيف

إنك تبيع قلبك وجســمك وإنك تبيع قلمك وإسمك ............... .و ميجيبوش حق الرغيــف

سألو جحا عن ســر ضحكه .. قالك أصـل اتنين وشبكوو ................. إالى كان من تحت ميــت والى كان من فوق كـفيف

دا شـعوووور ســخيــفْ

وشــعوور سخيف .................... إنك تكون رمز الشحـاتة ....................... تبنى مبنى للشحـاتة ........................... تعمل وزارة للشحــاتة

يا سـاقية دورى عدي فوقى ودوسى .............................. نصبوا عليا وشحتونى فلوسي

ربطونى بيكي حتى ما أتغميـت ............................... هما الى فرحوا ووحدى انا اتغميت

وأنا الى صـَـاحب البيــت ...................... أنا اللي صاحب البيت .............. أنا اللي صاحب البيت

عايش بدون لازمة .......................  ولما مرة شكيت إدونى بالجزمة

مش لاقى تطفـح ي ديــك ................................  هتولنا ودولنا ودونا وجيبونا هنجيب منين نديـك

طافح يا بلدى غدايا ولوعتى غدايا .............................  وأدى الاحبة التقـوا عدايا

انا الى زارع الدهب بتأكليني سبــاخ ..........................  وان كان دا تقـل ودلع بكفـاية دلعك بـاخ

لا شوفت فيكي هنا ولا شوفت فيكي ترف .................... كل الى فيكي قرف

كرامتنا متهــانة واللقمــة بإهَــانة ..................... بتخلفيـنا ليــه لما إنتى كارهـانا؟؟

يعنى ايه تبقى انتى هبة النيل ي بوبا ......................... وكل يوم المية تقطع

يعنى ايه لما أشتكى غلو الفاتورة ........................ يقولو تشكى بس تدفع

لما قش الرز ثروة بتتحرق .......................... وأما نفط الأمة ثروة بتتســرق

ولما جلادك ع ولادك بيبطـُـشْ ولما علمك ميلاقيش يـاكل هيطفش